हेटौडा ६ चौघडामा रहेको बंश गोपाल माध्यमिक विद्यालयका विद्यार्थीहरूले सोमबार दुर्लभ जनावर सालकको प्रत्यक्ष अवलोकन गरेका छन् ।
चुच्चेखोला सामुदायिक वन उपभोक्ता समूहले सालक संरक्षण अभियान अन्र्तगत विद्यार्थीहरू लाई सालकको बारेमा जानकारी दिन प्रत्यक्ष सालककै अवलोकन गराइएको बताउनुहुन्छ समुहका सचिब केदार गौतम ।
कार्यक्रममा सचिब गौतमले विद्यार्थीहरूलाई सालकको परिचय, बासस्थान, सालकको चोरी हुनुका कारण र संरक्षणका उपायका बारेका प्रष्ट पानु भएको थियो । कार्यक्रममा समुहका क्षेत्रीय संयोजक केदार पुडासैनी, लेखा समिति संयोजक गोपाल भट्टराई, कार्यालय सहयोगी कृष्ण पुडासैनीको उपस्थिति रहेको थियो ।
प्रत्यक्ष आफ्नै कक्षाकोठा भित्र सालक देख्दा आफूहरू अचम्ममा परेको र सालकको बारेमा पाठ्यपुस्तकमा पढेको तर आज वास्तविक सालक देख्दा धेरै रमाइलो लागेको विद्यार्थीहरू बताउछन् । संसारमा आठ प्रजाति र नेपालमा दुई प्रजातिका सालक रहेका छन् । संरक्षण अभियान अन्र्तगत हाल सम्म सातओटा विद्यालयमा कार्यक्रम सञ्चालन गरिसकेको छ ।
