नेकपा माओवादी केन्द्र थाहा नगरपालिका वडा नम्बर ३ को वडा सम्मेलन शनिबार विकासघर शिखरकोटमा सम्पन्न भएको छ ।
नेकपा माओवादी केन्द्र थाहा ३ का अध्यक्ष हिरेन्द्रकुमार रायमाझीको अध्यक्षता तथा माओवादी केन्द्रका केन्द्रीय सदस्य तथा मकवानपुर इन्चार्ज कुमारी मोक्तानको प्रमुख आतिथ्यतामा भएको सम्मेलनले विक्रम बिष्टको अध्यक्षतामा २९ सदस्यीय वडा कमिटी निर्विरोध चयन गरेको छ ।
कमिटीको उपाध्यक्षहरूमा शारदा गोपाली, जीवन थोकर, किशोर रायमाझी चयन भएका छन् ।
त्यस्तै सचिवमा सुवाश गोपाली, कोषाध्यक्षमा विश्वनाथ रायमाझी, सहसचिवमा पूर्णसिं पाख्रीन, सहकोषाध्यक्षमा पूर्णध्वज कार्की चयन भएका छन् ।
सदस्यहरुमा सरोज बिष्ट, बिमला बिष्ट, सन्जय गोपाली, सबिता सुनार, राममाया गोपाली, दिपक बिष्ट लगायत रहेका छन् ।
साथै सम्मेलनले राजन उपाध्यायको संयोजकत्वमा सल्लाहकार समिति समेत चयन गरेको छ । समितिको सदस्यहरुमा हिरेन्द्रकुमार रायमाझी, शिबहरि बर्तौला, श्याम गोपाली, सरोज रायमाझी, राम कुमार बिष्ट रहेका छन् ।
वडा सम्मेलनकै क्रममा बिगत लामो समयदेखि पार्टीलाई सहयोग गर्दै आइरहेका जेष्ठ नागरिकहरुलाई दोसल्ला ओडाएर सम्मान गरिएको थियो ।
