हेटौंडाका युवाहरुले आज चिकित्सकहरुमाथि न्यायको माग गर्दै प्रदर्शन गरेका छन् । हेटौँडाको बुद्ध चोकमा भेला भएर उनीहरूले प्लेकार्डसहित प्रदर्शन गरेका हुन् ।
उपचार गर्नेले कानुनी उपचार पाएन, डाक्टरभन्दा डाका प्यारो हुने कस्तो जमाना आयो बरी लै, स्वास्थ्यकर्मीका लागि न्याय खोज्न कहाा जाऊँ जस्ता नारा लेखिएका प्लेकार्ड सहित डाक्टरहरुले प्रदर्शन गरेका हुन् ।
डाक्टर कुटपिट घटनामा संलग्नलाई कारबाहीको माग गर्दै युवाहरुले शान्तिपूर्ण प्रदर्शन गरेका हुन् ।
गत साउन २५ मा डेंगीबाट चितवनमा मृत्यु भएका हेटौंडा–१२ का राजेश प्रधानका आफन्तले अस्पतालभित्रै प्रवेश गरेर डाक्टरको लापर्बाहीका कारण बिरामीको मृत्यु भएको भन्दै डा. प्रशान्त बिडारी र डा. विकास थापालाई कुटपिट गरेका थिए । घटनामा संलग्नलाई कारबाही गर्नबाट स्थानीय प्रशासन र प्रहरीले ढिलाई गरेको भन्दै युवाहरू सडकमा उत्रिएका हुन् ।
