पौष १४ गते पर्सा जिल्लामा बुढ्यौली साहित्य समाज तदर्थ समिति गठन भएको छ । समितिको संयोजकमा सरिता अर्याल रहनुभएको छ भने सदस्यहरूमा सीता शर्मा पन्थी, आमोदप्रसाद गुप्ता, हरिकृष्ण बराल तथा प्रमोदप्रसाद पाण्डेय रहनुभएको छ ।
अप्सरा पुडासैनी, अस्मिता पटेल तथा प्रदीप धनञ्जयले नेपाली, भोजपुरी तथा हिन्दी भाषामा रचना वाचन गर्नुभएको सो कार्यक्रममा रमेशमोहन अधिकारी, विनयराज गौतम तथा शारदा दाहालले मन्तव्य व्यक्त गर्नुभएको थियो ।
कार्यक्रमको सञ्चालन सीता शर्माले, स्वागत प्रमोद हेरम्बले, प्रमुख आतिथ्य बुढ्यौली साहित्य समाज मधेस प्रदेश अध्यक्ष लम्बोदर काफ्लेले र सभाध्यक्षता साहित्यकार जगदीश शर्माले गर्नुभएको थियो ।
कार्यक्रम ज्येष्ठ नागरिक सङ्घको कार्यालय वीरगन्जमा भएको थियो । तदर्थ समितिले केही समयभित्रै भेला डाकी नयाँ समिति चयन गर्ने साहित्यकार रमेशमाेहन अधिकारीले जानकारी दिनुभयाे ।
धन्यवाद, ज्योति सर !