बुढ्यौली साहित्य समाज महोत्तरीको दोस्रो शृङ्खला तथा भेला शनिबार सम्पन्न भएको छ । समाजका संयोजक लालबाबु पोखरेलको अध्यक्षतामा सम्पन्न सो शृङ्खलामा साहित्यकारहरूले विभिन्न लयका गीत, गजल र कविता वाचन गरेका थिए ।
कार्यक्रममा जानकी नारी समाज अध्यक्ष मञ्जु श्रेष्ठ,बलेसी साहित्य महोतरी अध्यक्ष भीमकुमार राउत, छन्द चौतारी अध्यक्ष प्रेम घिमिरे,मिथिला साहित्य प्रतिष्ठानका संयोजक विपिराज दहाल, बुढ्यौली साहित्य प्रतिष्ठा सर्लाही रौतहटका उपाध्यक्ष रेनु गुप्ता सचिव किसुन दयाल यादव, बर्दिवास साहित्यिक –सास्कृतिक प्रतिष्ठानका अध्यक्ष रामचन्द्र पौडेलले शुभकामना मन्तव्य व्यक्त गर्नुभउको थियो ।
कार्यक्रममा बुढ्यौली साहित्य समाज धनुषा संयोजक नानीराम दहाल,विनेसास महोतरी अध्यक्ष उद्धव आचार्य र उपाध्यक्ष शान्ता काफ्ले लगायतको पनि आतिथ्यता रहेको थियो ।
भेलाले बुढ्यौली साहित्य समाज महोत्तरी कार्य समितिको पुनर्गठन गरेको छ । पुनर्गठित समितिको अध्यक्षमा लालबाबु पोखरेल, उपाध्यक्षःरामचन्द्र यादव, सचिव नारद प्रसाद काफ्ले, सहसचिवःप्रवीणा पल्लवी, कोषाध्यक्ष विमला विश्वकर्मा, सदस्य मोहन गिरी र सूर्य लामा रहनुभएको छ ।
सबैमा हार्दिक बधाई छ
समाचार सम्प्रेषण गरिदिनुभएकाेमा हार्दिक धन्यवाद ।