मकवानपरका नेता कमल थापा वेला वेलामा नयाँ नयाँ अभियान ल्याउँछन् । राष्ट्रिय राजनीतिमा निकै पटक तर मारिसकेका नेता थापालाई समय समयमा चर्चामा आउन अनेक हतकण्डा अपनाउन मन लाग्छ।
चर्चामा आउन उनी समयलाई सदुपयाेग गरिहाल्छन खाेज्छन् । गुमनाम हुनुबाट बच्नु छ त्यसैले यस्ता कुराहरू उठाउने गर्छन् ।
गतवर्षको संसदीय निर्वाचनमा संसद छिर्न सकिन्छ किभनेर केपी ओलीको शरण पर्न पुगेका थापाले सूर्य चिह्नको चाबी लिएर उभिँदा पनि संसदको ढोका उनका लागि खुल्खोन सकेन । बरु उल्टै लामो समय आफ्नै सहयोगी बनेको दीपकबहादुर सिंहले संसदको ढाेका खाेल्प्रन सफल भए ।
अहिले उनै थापालाई के गरूँ र कसो गरूँ भएको छ । उनी पाेखरा पुगेर देशको शासकीय व्यवस्था बदल्ने अभियानमा जुटेको बताउँदै छन् ।
राष्ट्रिय प्रजातन्त्र पार्टीका अध्यक्ष थापाले अहिलेको शासकीय व्यवस्थालाई फेर्नका लागि जनआन्दोलनको तयारी गरिएको बताएका छन् । सकेसम्म दलहरूबिच सहमति र सहकार्यमा परिवर्तन गर्ने र नभए जनआन्दोलन गर्न पनि पछि नहट्ने उनको चेतावनी छ ।
कुनै वेला यही गणतन्त्र र लोकतन्त्रको विरुद्धमा लागेर राजतन्त्रको वकालत गरिरहेका थापा अब यही संविधान र शासकीय स्व्यवरुप परिवर्तन गर्नुपर्छ भन्दै नागरिक झुक्फयाउने अभियानमा जुटेका छन् ।
उनी पोखरामा भन्दै थिए,‘यो परिवर्तनलाई संस्थागत गर्न दलहरूबिच सहकार्य हुनुपर्छ । दलहरू तयार हुने हो भने यही संविधानबाट यो परिवर्तनलाई संस्थागत गर्न सकिन्छ,’ उनले भने, ‘यदि सहमति र सहकार्यबाट परिवर्तन नगर्ने हो भने जनआन्दोलन नै अन्तिम विकल्प रहनेछ । राप्रपा नेपालले जनआन्दोलनको प्रारम्भिक तयारी समेत गरिसकेको छ ।’ उनले आन्दोलन एउटा पार्टीको मात्रै नभई बृहत् रूपमा अघि बढ्ने बताए ।
उनलाई अब साँच्चै देशको अवस्थाले चित्त दुखेर यो अभियानमा लाग्न थालेका हुन् वा आफ्नो उपस्थिति देखाउन हो बुझ्न कठिन छ । राष्ट्रिय राजनीतमा चर्चामा आइरहन चाहने र कहिले राजतन्त्र त कहिले हिन्दु राज्य भन्दै विभिन्न अवसरको लाभ उठाएका थापाको यो अभियान कुन अवसर र मौकाका लागि यो अभियानको चाल चल्न थालेका हुन् बुझ्न धेरै कठिन छैन ।
